Nënkryetari i Kuvendit të Kosovës, Ardian Gola, po merr pjesë në Sesionin Pranveror të Asamblesë Parlamentare të NATO-s, që po mbahet në Vilnius, Lituani, nga 30 maji deri më 1 qershor 2026. Gjatë këtij sesioni zhvillohen punime të komisioneve parlamentare për Politikë, Ekonomi, Siguri, Shkencë dhe Teknologji, ndërsa Gola ka zhvilluar takime bilaterale me Sekretaren e Përgjithshme të AP-së së NATO-s, dr. Benedetta Berti, dhe do të takohet me Presidentin e AP-së së NATO-s, Marcos Perestrello. Në bisedat me dr. Berti u diskutua për bashkëpunimin aktual dhe zgjerimin e angazhimit të Kosovës me NATO-n, duke marrë mbështetje të fortë për rrugëtimin euroatlantik të vendit. Sesioni do të vijojë me punimet e komisioneve për Mbrojtje, Siguri dhe Demokraci, si dhe me seancën plenare, për të cilat do të ketë njoftime të mëtejshme.