Sot në Podujevë po shënohet Dita e Çlirimit me një program të pasur aktivitetesh përkujtimore dhe festive. Ngjarjet nisën në orën 11:00 me seancën solemne në Kuvendin Komunal, ku u përkujtuan sakrificat e dëshmorëve dhe kontributi për lirinë e vendit. Pas kësaj, u zhvilluan homazhe në Kompleksin Memorial të Dëshmorëve në Penuhë dhe u zbulu një pllaka përkujtimore në nder të dëshmorit Ali Ajeti në Miroc. Kulmi i festimeve do të jetë një koncert në sheshin e qytetit në orën 20:00, ku qytetarët do të bashkohen për të festuar këtë ditë të rëndësishme historike.