Kandidatët për deputetë të Partisë Demokratike të Kosovës, Rrustem Mustafa – Remi, Shemsi Jashari dhe Jehona Jashari Miftari, kanë zhvilluar një seri takimesh në fshatrat Tërrnavë, Bellopojë, Halabak dhe në qytetin e Podujevës, ku qytetarët kanë shprehur mbështetje të fuqishme për programin dhe vizionin e partisë. Gjatë këtyre bashkëbisedimeve, është theksuar nevoja për zhvillim ekonomik, forcim të institucioneve dhe krijim të perspektivës për të rinjtë, duke u shprehur se vendi ka nevojë për një drejtim të ri pas zgjedhjeve të 7 qershorit. PDK-ja ka vlerësuar pjesëmarrjen dhe entuziazmin e banorëve të Llapit, duke theksuar se mbështetja po rritet dita-ditës dhe se fryma e ndryshimit po forcohet në çdo cep të Podujevës. Kandidatët janë shprehur të bindur se më 7 qershor do të vendoset fitorja e vizionit për një Kosovë më të zhvilluar dhe më të fortë, duke bërë thirrje për mbështetje dhe votë për PDK-në.