Deputeti serb Pavle Grbovic ka kritikuar ashpër deklaratat e ministres Snezana Paunovic lidhur me “spastrimin etnik” dhe depërtimin e shqiptarëve të Kosovës në vitin 1998, duke i cilësuar ato si mbështetje të politikave kriminale. Ai theksoi se zhvendosja e detyruar e njerëzve është krim lufte dhe kërkoi shkarkimin e menjëhershëm të ministres. Grbovic vuri në dukje se distancimi i presidentit Vuçiq dhe kryetares së Kuvendit Bërnabiq nga deklarata e ministres nuk mjafton, dhe nëse kryeministri nuk ka forcë për ta shkarkuar atë, duhet të japë dorëheqje vetë. Ai paralajmëroi se nëse asnjë nga këto nuk ndodh, atëherë e gjithë ekzekutiva ndan qëndrime të ngjashme kriminale me ministres Paunovic.