Një ekspozitë e organizuar në sheshin e Prishtinës nga “Admovere” dhe “Integra” me të dhëna për masakrat në Kosovë ka shkaktuar reagime të shumta, përfshirë revokimin e lejes nga kryetari i Prishtinës dhe protesta qytetare që mbuluan banerët e ekspozitës. Rron Gjinovci, bashkëpunëtor i Shkëlzen Gashit, ka arsyetuar gabimet në ekspozitë me mungesën e të dhënave zyrtare nga shteti dhe ka theksuar se informacionet janë marrë nga libri i Natasha Kandiq, ku disa viktima, përfshirë në Masakrën e Dubravës, janë deklaruar si ushtarë nga familjarët e tyre për të përfituar pensione më të larta. Gjinovci ka akuzuar kundërshtarët politik të Albin Kurtit se po nxiten histeri dhe sulme ndaj ekspozitës për të dëmtuar figurën e Kurtit, duke theksuar se kjo po dëmton përpjekjet për të zbuluar të vërtetën e dhimbshme të civilëve të vrarë. Ai ka bërë thirrje që shoqëria kosovare të nderojë të gjithë martirët pa dallime dhe hierarki, duke theksuar se jetët e humbura janë baza e shtetit dhe lirisë së Kosovës.