Deputeti i Partisë Demokratike, Bardh Spahia, ka reaguar ashpër ndaj deklaratave të kryeministrit Edi Rama lidhur me debatin e fundit me presidentin serb Aleksandar Vuçiç. Ai e ka cilësuar shprehjen “Serbia e humbi Kosovën” si një shtrembërim të rrezikshëm të historisë dhe një ofendim ndaj gjakut të derdhur gjatë periudhës së sundimit serb. Spahia thekson se Kosova nuk ka qenë kurrë pronë e Serbisë, por një territor i pushtuar me dhunë, ku shqiptarët kanë fituar lirinë dhe rikthimin e një të drejte natyrore.