Kryetari i Komunës së Drenasit, Ramiz Lladrovci, ka vlerësuar shumë praninë e Fatmir Limajt në tubimin zgjedhor të PDK-së në Drenas, duke theksuar se ai ishte figura që tërhoqi më së shumti vëmendjen e qytetarëve. Edhe pse Limaj nuk ishte pjesë e programit si folës apo në promovimin e kandidatëve, ai krijoi një atmosferë të veçantë në Sheshin “Fehmi e Xhevë Lladrovci”. Pas tubimit, Lladrovci zhvilloi takime me bashkëpunëtorë dhe mysafirë, ku u diskutua për fushatën dhe optimizmin për fitoren e PDK-së në Drenas dhe në gjithë Kosovën. Kërkesat për fotografi me Fatmir Limajn ishin të shumta, duke treguar se ai është i mirëpritur dhe i munguar nga simpatizantët dhe anëtarësia e PDK-së në këtë komunë.