Kandidati për Kryeministër nga LDK, Lumir Abdixhiku, gjatë një tubimi në Rahovec ka premtuar ngritjen e dinjitetit të punës në sektorin publik përmes rritjes së pagave. Ai ka propozuar që mësuesit në Kosovë të marrin pagë prej 1000 eurosh në muaj, duke e vendosur këtë si një standard të ri për këtë profesion. Përveç mësuesve, edhe policët, ushtarakët, infermierët dhe zjarrfikësit do të kenë paga prej 900 eurosh në muaj. Abdixhiku ka theksuar se koeficienti 150 për mbi 80 mijë punëtorë publikë do të jetë një nga prioritetet e qeverisjes së tij, duke argumentuar se një shtet i fortë kërkon vlerësim të duhur për punonjësit e tij.