Shefja e stafit të presidentes Vjosa Osmani, Learta Hollaj, ka njoftuar se janë të gatshëm të dorëzojnë në Kuvend amendamentet kushtetuese që parashohin zgjedhjen e presidentit direkt nga populli. Amandamentet kanë kaluar testin e Gjykatës Kushtetuese dhe pritet që nesër të dorëzohen për votim. Hollaj ka theksuar se Osmani hyn në garë për t’u rizgjedhur dhe se gara e vërtetë do të zhvillohet te qytetarët e Kosovës, duke u matur drejtpërdrejt me votën e tyre. Ky hap synon kthimin e zgjedhjes së presidentit te sovrani, duke i dhënë qytetarëve mundësinë të vendosin drejtpërdrejt për këtë funksion.