Ngërçi politik dhe mungesa e institucioneve funksionale në Kosovë kanë ndikuar në vonesën e procesit për marrjen e statusit kandidat në Bashkimin Evropian. Presidenca irlandeze e BE-së, që nis në korrik, ka shprehur mbështetje për anëtarësimin e Kosovës, por me kushtin e përmbushjes së reformave të nevojshme. Ekspertët vlerësojnë se pengesa kryesore mbeten vendet që nuk e njohin pavarësinë e Kosovës, si dhe mungesa e institucioneve funksionale që vonojnë miratimin e ligjeve të domosdoshme. Megjithatë, procesi i anëtarësimit është edhe politik, ndaj Kosova duhet të zhvillojë fushata diplomatike serioze për të siguruar mbështetje nga shtete kyçe në BE dhe rajon.