Presidenti i Republikës, Bajram Begaj, ka përshëndetur rezolutën e Kuvendit të Shqipërisë lidhur me procesin e anëtarësimit në Bashkimin Evropian. Ai e konsideron këtë rezolutë si përgjigjen e duhur ndaj Raportit të Progresit të Komisionit Evropian për Shqipërinë 2025 dhe raportit të Komisionit për Punët e Jashtme të Parlamentit Evropian. Sipas Begajt, dokumenti përfaqëson një qasje të vetme të drejtë, që bazohet në bashkëpunim, kompromis dhe konsensus për arritjen e objektivit strategjik të integrimit në BE. Ai e vlerëson këtë akt si dëshmi të një politike serioze dhe të përgjegjshme, e fokusuar në agjendën reformuese për transformimin demokratik, institucional, ekonomik dhe social të vendit.