Presidentja e Kosovës, Vjosa Osmani, ka kujtuar 37-vjetorin e grevës së urisë të minatorëve të Trepçës, e nisur më 20 shkurt 1989 nga rreth 1,350 minatorë. Ata u barrikaduan për tetë ditë në minierën e Stan Tërgut, duke u ngritur kundër politikave shtypëse të regjimit serb dhe duke u shndërruar në simbol të guximit dhe dinjitetit. Sakrifica e tyre dridhi themelet e regjimit hegjemonist dhe krijoi solidaritet e unitet popullor në mbarë Kosovën. Presidentja Osmani thekson se kjo sakrificë u kthye në një kushtrim lirie dhe dëshmoi se rruga drejt lirisë hapet nga guximi i atyre që nuk dorëzohen.