Presidentja e Kosovës, Vjosa Osmani, do të mbajë sot në orën 08:00 një konferencë për media në ambientet e Presidencës, njoftoi këshilltari i saj për media, Bekim Kupina. Kjo konferencë vjen pas një seance të jashtëzakonshme të Kuvendit të Kosovës, e cila u ndërpre mbrëmë për shkak të mungesës së kuorumit për zgjedhjen e presidentit të ri. Në seancë ishin të pranishëm vetëm 66 deputetë, ndërsa për zhvillimin e votimit kërkoheshin të paktën 80 deputetë, sipas kryetares së Kuvendit, Albulena Haxhiu. Një ditë më parë, Osmani kishte proceduar në Kuvend amendamentet kushtetuese që synojnë zgjedhjen e presidentit nga qytetarët përmes votës së drejtpërdrejtë, një çështje që pritet të trajtohet edhe në konferencën e sotme.