Saga për zgjedhjen e Presidentit të ri të Kosovës pritet të marrë fund pa epilog sot në mesnatë, pasi nuk ka ende një kandidat të dytë në garë. Presidentja Vjosa Osmani pritet që nesër të shpallë zgjedhjet e reja, pasi Lëvizja Vetëvendosje ka përzgjedhur Glauk Konjufcën si kandidat, por nuk ka kundërkandidat. Pa një kandidat të dytë, seanca për zgjedhjen e presidentit nuk mund të mbahet. Lëvizja Vetëvendosje po pret dekretin e Presidentes Osmani për zgjedhje të reja, të cilin më pas planifikon ta dërgojë në Gjykatën Kushtetuese, ndërsa Presidenca ende nuk ka konfirmuar zyrtarisht këtë vendim.