Punonjës të institucioneve paralele serbe në Kosovë po përballen me presion të fshehtë për të marrë pjesë në tubimin politik të presidentit serb Aleksandar Vuçiç, i cili do të mbahet më 27 qershor në Beograd. Në disa institucione, përfshirë sektorin e arsimit, shëndetësisë dhe ndërmarrjen komunale “Standard”, po hartohen lista me emrat e punonjësve që pritet të udhëtojnë drejt Serbisë. Edhe pse pjesëmarrja paraqitet si vullnetare, drejtuesit e institucioneve, të cilët janë pjesë e Listës Serbe, ushtrojnë presion indirekt duke kërkuar informacion mbi praninë e punonjësve. Kjo situatë tregon një mobilizim të organizuar që synon të sigurojë një numër të lartë pjesëmarrësish në tubimin politik.