Avokati Arbër Jashari ka dënuar ashpër presionet, përndjekjet dhe shkarkimet nga puna që po përjetojnë qytetarët serbë në Kosovë vetëm për shkak të mbështetjes së subjekteve politike jashtë Listës Serbe, e cila ka mbështetjen e Beogradit. Ai i ka cilësuar këto veprime si të papranueshme dhe ka kërkuar nga institucionet e Republikës së Kosovës që të ndërmarrin masa për të garantuar lirinë e shprehjes së vullnetit politik pa frikë dhe presion. Jashari ka theksuar se integriteti i zgjedhjeve duhet të mbrohet në çdo rrethanë dhe se ndikimi në votuesit është vepër penale që duhet ndëshkuar. Ai ka bërë thirrje për mbrojtjen e pluralizmit politik brenda komuniteteve dhe për përgjegjësinë ligjore të atyre që ushtrojnë shantazh dhe manipulim.