Ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli-Dalipi, ka njoftuar se projekti për ndërtimin e Qendrës Rezidenciale për fëmijët me autizëm, sindromën Down dhe nevoja të veçanta do të trajtohet me prioritet nga institucionet. Ajo zhvilloi një takim me humanistin Halil Kastrati, me të cilin diskutoi hapat për realizimin e këtij projekti të rëndësishëm. Ministrja u zotua të ofrojë mbështetjen institucionale të nevojshme për avancimin e projektit dhe vlerësoi kontributin e Kastratit në fushën humanitare. Ky projekt synon të përmirësojë kushtet dhe shërbimet për familjet dhe fëmijët më të cenueshëm në shoqëri.