Kryetari i Prishtinës, Përparim Rama, ka zhvilluar një takim me ambasadoren e Izraelit në Kosovë, Tamar Ziv, dhe një delegacion ekspertësh izraelitë për të diskutuar bashkëpunimin në përgatitjet për Lojërat Mesdhetare 2030 që do të mbahen në kryeqytet. Fokus i veçantë u vu në sigurinë, gatishmërinë operacionale, menaxhimin e emergjencave dhe forcimin e reziliencës së qytetit gjatë këtij eventi ndërkombëtar. Në diskutim ishte edhe përdorimi i të dhënave dhe inteligjencës artificiale për të përmirësuar organizimin dhe menaxhimin e ngjarjeve të mëdha. Përparim Rama theksoi rëndësinë e bashkëpunimit ndërkombëtar që sjell njohuri dhe mundësi të reja për zhvillim, duke u bazuar në respekt dhe partneritet të sinqertë.