Komuna e Prishtinës ka filluar zbatimin rigoroz të ligjit për ndërtim, duke ndaluar shfrytëzimin e çdo objekti banesor, afarist, industrial apo publik pa certifikatë përdorimi dhe inspektim final. Drejtori i Inspektoratit, Bekim Brestovci, paralajmëroi masa sanksionuese për investitorët dhe banorët që nuk respektojnë këtë rregullore, përfshirë largimin nga objektet dhe ndalimin e pajisjes me leje të reja ndërtimore. Aktualisht po punohet për evidentimin e objekteve që janë në përdorim pa certifikatë, me një databazë që pritet të përfundojë gjatë tremujorit të fundit të vitit. Investitorëve u jepet një afat 12-mujor për plotësimin e kërkesave teknike, ndërsa qytetarët nxitën të mos banojnë në objekte pa dokumentacion të rregullt, për të shmangur rreziqet dhe pasojat ligjore.