Prishtina do të marrë Presidencën e Rrjetit të Qyteteve të Ballkanit B40 për vitin 2027, duke marrë drejtimin e këtij rrjeti rajonal dhe ndërkombëtar. Samiti i rrjetit do të mbahet në janar 2027 në kryeqytetin e Kosovës, ku do të mblidhen përfaqësuesit e qyteteve ballkanike për të diskutuar bashkëpunimin dhe zhvillimin e përbashkët. Kryetari i Prishtinës, Përparim Rama, e ka cilësuar këtë si një mundësi të rëndësishme për të forcuar rolin e qytetit si një platformë dialogu dhe partneriteti në rajon. Mbështetja për kandidaturën e Prishtinës ka ardhur edhe nga qyteti i Sarajevës, duke vlerësuar lidershipin dhe orientimin evropian të kryeqytetit kosovar.