Procesi i numërimit të votave në komunën e Prizrenit ka kaluar mbi 78% të vendvotimeve, duke përfshirë 181 kuti nga 232 gjithsej. Qytetarët e Prizrenit kanë favorizuar kryesisht kandidatët që vijnë nga kjo komunë, sidomos në partitë kryesore si Lëvizja Vetëvendosje dhe Partia Demokratike e Kosovës. Në Vetëvendosje, pas liderëve si Albin Kurti dhe Glauk Konjufca, kandidatë lokalë si Hajrullah Çeku dhe Artan Abrashi kanë marrë mbështetje të madhe. Ndërsa në PDK, pas Bedri Hamzës, votat kryesisht janë përqendruar te kandidatët prizrenas, ndërsa në LDK kandidati më i votuar nga Prizreni është Anton Quni. Në Aleancën për Ardhmërinë e Kosovës, kandidatë lokalë nuk janë në pesëshen e parë të më të votuarve në këtë komunë. Numërimi vazhdon dhe pritet të japë një pasqyrë më të qartë të mbështetjes së kandidatëve në Prizren.