Prizreni është bërë qyteti i parë në Kosovë dhe i pari jashtë Shteteve të Bashkuara që i bashkohet programit America250, një iniciativë që shënon 250-vjetorin e Pavarësisë së SHBA-së. Deputetja Vlora Çitaku e ka cilësuar këtë si një moment të rëndësishëm për forcimin e marrëdhënieve ndërmjet Kosovës dhe SHBA-së, duke përgëzuar kryetarin e Komunës së Prizrenit, Shaqir Totaj, dhe të gjithë kontribuesit. Ajo thekson se kjo nismë dëshmon miqësinë e palëkundur mes dy vendeve dhe orientimin strategjik të Kosovës drejt partneritetit me Amerikën. Sipas Çitakut, raporti me SHBA-në duhet të jetë një interes shtetëror dhe jo çështje politike ditore, duke kultivuar vlerat e lirisë, demokracisë dhe bashkëpunimit strategjik.