Kandidati për kryeministër nga Aleanca, Ardian Gjini, ka prezantuar programin politik të partisë së tij përmes një videomesazhi në Facebook, duke e përshkruar atë si një plan të pastër pune për çdo familje në Kosovë. Ai theksoi se programi bazohet në gjashtë vendime strategjike që do të zbatohen menjëherë, duke përfshirë rreshtimin e prerë me aleatët perëndimorë dhe Shqipërinë, uljen e taksave për sektorin privat dhe rritjen e pagave. Gjini premtoi gjithashtu krijimin e shkollave profesionale të lidhura me tregun e punës në teknologji dhe prodhim, si dhe shëndetësi krejtësisht falas që në vitin e parë të qeverisjes. Ai garantoi se këto masa do të realizohen pa zvarritje dhe pa bllokime, duke e cilësuar këtë program si rrugën e vetme që çon Kosovën përpara.