Gëzim Shala nga Instituti i Kosovës për Drejtësi ka ngritur shqetësime lidhur me Projektligjin për Byronë Shtetërore për verifikimin dhe konfiskimin e pasurisë së pajustifikueshme, duke theksuar se ky ligj përmban formulime të paqarta që lënë hapësirë për interpretim dhe mund të prekë jo vetëm zyrtarët publikë, por edhe familjarët dhe palët e treta. Ai shpjegon se Byroja do të ketë mandat të iniciojë procedura edhe për pasurinë e fituar deri në pesë vjet pas largimit nga detyra, duke krijuar kështu një fushëveprim shumë të gjerë.