Ministrja e Industrisë, Tregtisë dhe Inovacionit, Mimoza Kusari-Lila, njoftoi se drafti i projektligjit për çmimet tavan, i cili përfshin listat e produkteve esenciale, është përfunduar dhe do të dërgohet nesër në Qeveri për procedim të mëtejshëm. Ky ligj pritet të miratohet me procedurë të përshpejtuar sapo të fillojë puna e Kuvendit të Kosovës. Kusari-Lila theksoi se çmimet e derivateve janë rritur deri në 30% që nga fillimi i luftës në Iran, duke e konsideruar këtë situatë si të përkohshme, ndërsa gjatë muajit mars janë kryer 130 inspektime dhe janë identifikuar tri subjekte që kanë shkelur vendimin për marzhën e fitimit. Për këto shkelje është iniciuar procedura e kundërvajtjes, ndërsa ministrja theksoi se rritja e çmimeve në Kosovë është e pashmangshme për shkak të varësisë nga importi dhe zhvillimeve globale.