Ministria e Bujqësisë, Pylltarisë dhe Zhvillimit Rural ka vijuar procesin e lirimit dhe rikthimit në posedim të pronave të uzurpuara që administrohen nga Instituti Bujqësor i Kosovës. Së fundmi është liruar një pronë në fshatin Stankaj të Rugovës, në bazë të një marrëveshjeje ndërmjetësimi dhe aktvendimit të Gjykatës Themelore në Pejë. Ky veprim është pjesë e një vendimi më të gjerë për kthimin e të gjitha pronave publike që shfrytëzohen pa bazë ligjore në administrim të ligjshëm. Ministria ka bërë thirrje për respektimin e ligjit dhe vendimeve institucionale, duke theksuar se do të vazhdojë identifikimin, lirimin dhe mbrojtjen e pronave të uzurpuara në përputhje me legjislacionin në fuqi.