Lëvizja Vetëvendosje në Prishtinë ka propozuar që në seancën e Kuvendit Komunal të diskutohet për gjendjen alarmante të mbeturinave në kryeqytet. Propozimi i bërë nga shefi i asamblistëve të Vetëvendosjes, Gëzim Sveçla, nuk ka marrë mbështetjen e mjaftueshme dhe është refuzuar me 25 vota kundër dhe vetëm 15 pro. Sveçla ka theksuar se refuzimi nuk ishte kundër një partie, por kundër debatit për pastërtinë e qytetit, duke shprehur keqardhje dhe shqetësim për këtë qasje. Ai ka theksuar se mospranimi i diskutimit për një problem që prek çdo qytetar para derës së shtëpisë tregon për një problem më të madh sesa vetë mbeturinat, duke shprehur dhimbje për situatën në Prishtinë.