Fermerët e Istogut kishin paralajmëruar një protestë masive me traktorë dhe makineri të rënda përpara Ministrisë së Bujqësisë në Prishtinë, duke kërkuar reagim ndaj problemeve në fabrikën e përpunimit të qumështit “Vita”. Protesta ishte planifikuar të fillonte në orën 11:00 dhe pritej të bashkonte edhe fermerë nga komuna të tjera të Kosovës. Megjithatë, organizatorët njoftuan se protesta u shty për shkak të procedurave ligjore, pasi nuk ishte marrë leja e nevojshme nga Policia e Kosovës 72 orë më parë. Drejtori i kompanisë “Vita” konfirmoi anulimin dhe premtoi që data e re e protestës do të bëhet publike në kohën e duhur.