Në Fushë Kosovë ka nisur protesta e operatorëve të transportit të udhëtarëve, të cilët kanë nxjerrë autobusët në rrugën para objektit të Komunës, duke bllokuar rrugën “Tahir Zema” për qarkullim. Në vendin e ngjarjes ndodhet Policia e Kosovës, e cila po monitoron situatën dhe po siguron rendin gjatë protestës. Operatorët e kompanive PEP Trans, Egzoni Tours dhe Eni Trans kërkojnë zgjidhje për problemet që kanë me linjat e transportit drejt Prishtinës, duke theksuar vështirësitë në vijimësinë e shërbimeve të tyre. Protesta ishte paralajmëruar të mbahet sot nga ora 10:00 deri në 12:00 përballë Komunës së Fushë Kosovës, ndërsa ata presin përgjigje nga Komuna dhe institucionet përkatëse për një zgjidhje të qëndrueshme.