Sot para Kuvendit të Kosovës u mbajt një protestë e organizuar nga veteranët e UÇK-së kundër një ekspozite që sipas tyre poshtëron dhe nëpërkëmb viktimat civile të luftës. Opinionistja Aida Dërguti, pjesëmarrëse në protestë, theksoi se autorët e këtij shfrenimi duhet të mbajnë përgjegjësi direkte, duke përfshirë edhe zyrtarët politikë që e mundësuan dhe financuan ekspozitën me fonde publike. Ajo kërkoi llogaridhënie institucionale dhe veprime të menjëhershme nga institucionet e drejtësisë për të shqyrtuar këtë çështje, si dhe tërheqjen e botimeve të autorëve nga hapësirat publike deri në përfundimin e procesit. Gjithashtu u kërkua që çdo material që lidhet me luftën të kalojë nëpër filtrat e Institutit të Historisë dhe Akademisë së Shkencave dhe Arteve të Kosovës, për të mos lejuar poshtërimin e historisë dhe sakrificës së dëshmorëve të lirisë.