Lëvizja Revolta ka paralajmëruar organizimin e një proteste qytetare më 6 gusht në orën 10:00 para Kuvendit të Kosovës në Prishtinë. Kjo protestë synon mbrojtjen e sovranitetit dhe integritetit shtetëror të Republikës së Kosovës dhe nuk ka karakter partiak. Organizatorët kanë paraqitur tri kërkesa kryesore, përfshirë publikimin e numrit të aplikimeve dhe shtetësive të fituara nga shtetasit e Serbisë, shfuqizimin e Ligjit për Shtetësinë dhe shfuqizimin e nenit 155 të Kushtetutës së Kosovës. Lëvizja fton qytetarët të bashkohen në këtë aksion për të mbrojtur të ardhmen dhe shtetësinë e vendit.