Të dielën në Lubjanë do të mbahet një protestë simbolike në mbështetje të Hashim Thaçit, Kadri Veselit, Rexhep Selimit dhe Jakup Krasniqit, ish-krerëve të Ushtrisë Çlirimtare të Kosovës që po përballen me proces gjyqësor në Hagë. Aktiviteti do të jetë paqësor dhe në heshtje, ku pjesëmarrësit do të ndezin dritat në duart e tyre si simbol i shpresës, së vërtetës dhe lirisë. Organizatorët kërkojnë një proces gjyqësor të drejtë dhe shprehin solidaritet me liderët në Hagë, duke theksuar se ata nuk janë harruar. Tubimi synon të përcjellë mesazhin e drejtësisë dhe të bashkimit në mënyrë qytetare dhe dinjitoze.