Një grup protestuesish ka kaluar natën në Bulevardin “Dëshmorët e Kombit” përpara godinës së Kryeministrisë, duke qëndruar aty për më shumë se 24 orë. Ata kanë refuzuar të largohen, duke u shprehur se qëndrojnë paqësisht për një kauzë që përfshin gjithë shqiptarët. Në orët e para të mëngjesit, policia iu ka kërkuar të lirojnë bulevardin për të mos bllokuar rrugën në mënyrë të paligjshme. Protestuesit kanë përsëritur kërkesat e tyre për dorëheqjen e kryeministrit dhe kreut të opozitës, si dhe për krijimin e një qeverie teknike.