Ministri i Drejtësisë së Maqedonisë së Veriut, Igor Filkov, ka konfirmuar edhe një herë refuzimin e mbajtjes së provimit të jurisprudencës në gjuhën shqipe. Ai thekson se provimi është profesional dhe nuk mund të interpretohet politikisht, duke e konsideruar çështjen të mbyllur dhe pa hapësirë për diskutime të mëtejshme. Filkov nënvizoi se qeveria aktuale nuk do të lejojë më interpretime politike të Kushtetutës dhe ligjeve, duke e lidhur këtë qëndrim me largimin nga pushteti të LSDM-së dhe BDI-së. Ai shtoi se shteti duhet të funksionojë mbi bazën e Kushtetutës dhe jo nën presione publike apo interpretime të politikës ditore, duke paralajmëruar se nuk do të pranojë presione të tilla.