Partia Socialdemokrate (PSD) zhvilloi të martën një aksion simbolik përballë Kuvendit të Kosovës, në sheshin “Ibrahim Rugova”, duke dërguar mesazhe të forta politike drejtuar institucioneve. Në këtë aktivitet morën pjesë aktivistë dhe zyrtarë të PSD-së, ndërsa u ekspozuan pankarta që synojnë të ngrenë çështje të neglizhuara nga partitë e tjera. Ky aksion vjen në kuadër të përgatitjeve për fushatën zgjedhore, ku PSD-ja po intensifikon prezencën e saj në terren me paraqitje publike dhe veprime simbolike në kryeqytet. Sipas udhëheqësit Dardan Molliqaj, qëllimi është të sjellin në vëmendje temat që partitë e tjera kanë lënë pas dore, duke sfiduar kështu status quon politik.