Anëtarësimi i Kosovës në NATO konsiderohet një domosdoshmëri për stabilitetin jo vetëm të Kosovës, por të gjithë Ballkanit Perëndimor. Sulmet terroriste të organizuara, si ai në Banjskë në shtator 2023, dhe dëmtimi i infrastrukturës kritike në nëntor 2024, tregojnë rrezikun e vazhdueshëm nga faktorë destabilizues, përfshirë përpjekjet e Serbisë për të minuar sovranitetin e Kosovës. Një rezolutë e prezantuar në Kongresin amerikan mbështet fuqimisht integrimin e Kosovës në Aleancën Veri-Atlantike, duke kërkuar nga vendet anëtare që nuk e kanë njohur Kosovën të rishqyrtojnë qëndrimet e tyre. Transformimi i Forcës së Sigurisë së Kosovës në një forcë moderne dhe e pajisur sipas standardeve të NATO-s, si dhe bashkëpunimi i ngushtë me Shtetet e Bashkuara, forcojnë argumentin se anëtarësimi i Kosovës do të sjellë më shumë siguri dhe stabilitet rajonal, duke parandaluar përpjekjet për destabilizim dhe duke forcuar vetë Aleancën.