Ambasadori i Gjermanisë në Kosovë, Reiner Rudolph, ka shpjeguar se mungesa e institucioneve stabile dhe bllokada politike janë arsyet kryesore që Kosova ende nuk ka marrë statusin e vendit kandidat për Bashkimin Evropian. Ai thekson se ky status nuk është një shpërblim, por fillimi i një procesi të gjatë dhe kërkon institucione me mandat të plotë që të punojnë në zbatimin e agjendës evropiane. Rudolph ka bërë thirrje për formimin e institucioneve funksionale dhe për një sinjal më të qartë nga Kosova për angazhimin e saj në rrugën evropiane. Ai nënvizon se sfida nuk është tek një individ apo parti, por në nevojën për stabilitet institucional dhe bashkëpunim të vazhdueshëm me partnerët evropianë.