Mbi një milionë e dyqind mijë qytetarë në Kosovë nuk morën pjesë në zgjedhjet e jashtëzakonshme të 7 qershorit 2026, duke shënuar një nga daljet më të ulëta në historinë e fundit zgjedhore. Nga 2.092.174 të drejtëvotues, vetëm 712,148 qytetarë votuan, ndërsa pjesa tjetër refuzoi të shprehte vullnetin e tyre, duke dërguar një mesazh të qartë për nevojën e një qeverisjeje më efikase dhe kompromisi politik. Arsye kryesore për këtë mungesë interesimi është përsëritja e shpeshtë e zgjedhjeve, e cila ka lodhur qytetarët dhe i ka zhgënjyer ata nga politikanët, sipas vëzhgimeve dhe deklaratave të qytetarëve të ndryshëm. Megjithatë, disa shohin në këtë situatë një afrimitet me standardet evropiane të pjesëmarrjes në zgjedhje, duke e krahasuar Kosovën me vende të tjera që funksionojnë edhe pa qeveri të formuar për periudha të gjata.