Deputeti bavarez Deli Balidemaj ka theksuar rëndësinë e vazhdimit të pranisë së trupave gjermane në Kosovë si pjesë e misionit të NATO-s. Ai njoftoi se numri i forcave gjermane mbetet i pandryshuar që nga tensionet e vitit 2023, duke theksuar se kjo prani është thelbësore për ruajtjen e qetësisë dhe stabilitetit në Kosovë dhe Ballkanin Perëndimor. Balidemaj theksoi se forcat ndërkombëtare janë një garanci për sigurinë dhe për zhvillimin demokratik dhe institucional të vendit. Sipas tij, mbajtja e këtyre trupave në Kosovë ndihmon në mirëmbajtjen e institucioneve dhe në sigurimin e një ambienti të qëndrueshëm për të ardhmen.