Votimi për presidentin e ri në Kuvendin e Kosovës ka nisur pa kuorum të plotë, me vetëm 64 deputetë në sallë, ndërsa opozita po e bojkoton seancën. Deputeti i Lidhjes Demokratike të Kosovës, Armend Zemaj, ka reaguar ashpër duke e cilësuar këtë proces si “puç kushtetues”, duke publikuar edhe një fragment të Kushtetutës dhe aktgjykimit të Gjykatës Kushtetuese që kërkon të paktën 80 deputetë për nisjen e raundit të parë të votimit. Zemaj ka theksuar se kjo mënyrë e zhvillimit të votimit shkel rëndë rregullat kushtetuese dhe përbën një precedent të rrezikshëm, duke ngjallur tensione të mëdha politike. Sipas Kushtetutës dhe aktgjykimeve të mëparshme, raundi i parë dhe i dytë i votimit kërkon dy të tretat e votave të deputetëve, ndërsa në rundin e tretë nevojiten 61 vota, çka nuk është respektuar në këtë rast.