Punëtorët e sigurimit fizik në Universitetin e Prishtinës do të hyjnë në grevë nga nesër për shkak të pagave të ulëta dhe kushteve të dobëta të punës. Sindikata e Pavarur e Sektorit Privat të Kosovës ka njoftuar se mbështet plotësisht kërkesat e tyre dhe paralajmëron protesta të tjera në ditët në vijim. Problemet përfshijnë mosrespektimin e Ligjit për Pagën Minimale, vonesa në pagesa, mungesë e pushimit vjetor dhe mospagesën e stazhit të punës. Po ashtu, punëtorët teknikë të shkollave fillore dhe të mesme në Komunën e Prishtinës, të cilëve u mungojnë kontratat e punës prej më shumë se një muaji, paralajmërojnë grevë nëse deri më 8 qershor nuk zgjidhen këto çështje.