Kryetari i Prishtinës, Përparim Rama, ka publikuar pamje nga punimet që kanë nisur në rrugën “Agim Ramadani”, një prej arterieve kryesore të kryeqytetit. Në videot e shpërndara në rrjetet sociale shihen kamionë dhe ekskavatorë duke punuar edhe në orët e vona të mbrëmjes, duke treguar intensitetin e punimeve. Sipas njoftimit të komunës, punimet do të zgjasin dy ditë dhe do të zhvillohen në segmentin nga semaforët e Mensës së Studentëve deri te kryqëzimi pranë Ministrisë së Arsimit. Këto punime janë pjesë e një fushate më të gjerë për rregullimin e rrugëve në Prishtinë, duke synuar përmirësimin e infrastrukturës rrugore në kryeqytet.