Ish-deputetja Aida Dërguti ka kritikuar pushtetin për përqendrimin e tepërt në krizën institucionale dhe konstituimin e Kuvendit, duke lënë në hije zhvillimet më të rëndësishme lidhur me marshin në mbështetje të ish-krerëve të UÇK-së dhe proceset në Hagë. Ajo e ka cilësuar këtë sjellje si një “dramë të paqenë” dhe ka akuzuar pushtetin se po kërkon vëmendje për vete në vend që të fokusohet te çështjet që kanë ndikim më të madh për publikun. Sipas Dërgutit, mediat dhe opinioni publik janë të zhytur në debatet për formimin e institucioneve, ndërkohë që çështjet e Hagës dhe mobilizimi për marshin janë lënë në plan të dytë. Ajo thekson se këto zhvillime janë shumë më të rëndësishme dhe duhet të ishin prioriteti kryesor i diskutimit publik në këto ditë.