Kryetari i Skenderajt, Sami Lushtaku, ka reaguar fuqishëm pas protestës së komunave të Kosovës kundër qasjes së Qeverisë që, sipas tij, po dobëson pushtetin lokal dhe cenon kompetencat e tyre. Lushtaku thekson se Qeveria nuk mund t’ua marrë kompetencat komunave, t’ua lërë barrën financiare dhe më pas të kërkojë llogari për shërbimet ndaj qytetarëve. Ai përshkruan protestën si një përplasje mes demokracisë dhe autoritarizmit, duke paralajmëruar se pushteti lokal nuk do të heshtë përballë vendimeve që cenojnë funksionimin dhe autonominë e komunave.