Presidenti i Këshillit Evropian, Antonio Costa, ka dhënë një mesazh të qartë dhe të prerë për nevojën e realizimit të ndryshimeve kushtetuese si kusht për hapjen e negociatave me Bashkimin Evropian. Aleanca për Shqiptarët (ASH) kritikon ashpër heshtjen e koalicionit VLEN, duke e cilësuar atë si dorëzim dhe pranim të pafuqisë përballë bllokadës politike që po pengon rrugën evropiane të vendit. ASH thekson se VLEN, si pjesë e qeverisë, mban përgjegjësi për situatën dhe duhet menjëherë të kthehet te marrëveshja bazë për të nisur procedurat e ndryshimeve kushtetuese. Sipas ASH-së, shqiptarët nuk kanë votuar që përfaqësuesit e tyre të bëhen pengesë për integrimin evropian, por duhet të angazhohen për zgjidhje konkrete.