Zëdhënësi i Policisë në rajonin e Gjilanit, Ismet Hashani, ka njoftuar se gjatë gjithë ditës së zgjedhjeve nuk është regjistruar asnjë parregullsi në të shtatë komunat e rajonit. Sipas tij, forcat e rendit janë angazhuar që nga orët e para të mëngjesit dhe janë të pranishme në të gjitha vendvotimet për të garantuar një proces të qetë dhe të sigurt. Hashani theksoi se nuk ka pasur incidente që të kenë ndikuar në procesin zgjedhor, përveç disa fjalëve të vogla apo dezinformatave pa ndikim. Ai shprehu shpresën që situata të mbetet e tillë deri në mbylljen e vendvotimeve, duke vlerësuar procesin si shumë të mirë dhe në nivel të lartë sigurie.