Qeveria në detyrë e Kosovës ka zhvilluar një mbledhje elektronike ku janë marrë vendime kyçe për financimin e institucioneve publike dhe shërbimeve esenciale. Në fokus ishte transferimi i mbi 4.3 milionë eurove për furnizimin me barna nga Lista e Barnave Esenciale, si dhe ndarja e një milion eurove për Ministrinë e Punëve të Brendshme për mbulimin e shpenzimeve operative. Po ashtu, Komuna e Podujevës do të përfitojë 300 mijë euro për mbulimin e obligimeve kontraktuale. Në kuadër të vendimeve u përcaktua edhe kompensimi për anëtarët e Bordit të Korporatës së Ruajtjes së Energjisë dhe u nominuan përfaqësuesit e Qeverisë në Këshillin Konsultativ për Komunitete.