Qeveria e Republikës së Kosovës zhvilloi një mbledhje elektronike ku shqyrtoi dhe miratoi disa projektligje të rëndësishme. U miratuan marrëveshjet e kredisë me Asociacionin Ndërkombëtar për Zhvillim për projekte të zhvillimit të sektorit financiar, energjisë dhe klimës, si dhe për lehtësimin e tregtisë dhe transportit në Ballkanin Perëndimor 2.0. Gjithashtu, u miratua lista e artikujve për përdorim të përbashkët që janë pjesë e procedurës qendrore të prokurimit publik. Në mbledhje u vendos edhe për ndryshime në tabelën buxhetore për vitin 2026, me qëllim përmbushjen e obligimeve financiare dhe kontraktuale të papërmbushura nga viti paraprak për Ministrinë e Mbrojtjes.