Qeveria e Kosovës do të mbajë mbledhjen e saj të shtatë më 30 mars në orën 09:00, ku në rend dite do të shqyrtohen disa çështje të rëndësishme. Një nga pikat kryesore është propozimi i Ministrisë së Mbrojtjes për t’i kërkuar Kuvendit miratimin e dërgimit të një kontingjenti të Forcës së Sigurisë së Kosovës në Gaza si pjesë e Forcës Ndërkombëtare Stabilizuese. Gjithashtu, në mbledhje do të diskutohet miratimi i shpërblimit prej 500 mijë eurosh për ekipin e Përfaqësueses së Kosovës në futboll, pas fitores së rëndësishme ndaj Sllovakisë në gjysmëfinalen e plejofit për Botërorin 2026. Përveç këtyre, Qeveria do të trajtojë edhe projektligje kyçe, raportin financiar për vitin 2025, si dhe vendime për shpronësime, emërime dhe rialokime buxhetore në disa ministri.