Përparim Gruda, kandidat i PDK-së për deputet, ka kritikuar ashpër qeverisjen e kryeministrit Albin Kurti, duke theksuar se struktura paralele në veri të Kosovës nuk janë zhbërë, por janë legalizuar përmes marrëveshjeve politike. Ai e përshkroi situatën në veri si një “teatër absurd”, ku përfituesja kryesore është Lista Serbe, ndërsa akuzoi Kurti se ka braktisur premtimet e tij. Një nga kritikët më të forta ishte heqja nga programi i Vetëvendosjes së padisë ndaj Serbisë për gjenocid, që sipas Grudës është përdorur vetëm si mjet propagandistik dhe tashmë është lënë pas dore. Ai paralajmëroi se ka ardhur koha që qeveria të japë llogari për këto veprime dhe të sqarojë qëllimet e saj të reja në politikë.